Հավելյալ տեղեկություններ

Բարձրակարգ ծառայություններ զեղչված գներով Տատդենտ ատամնաբուժարանի կողմից: Բարձր որակավորում ունեցող մասնագետներ, անհատական մոտեցում և լավագույն արդյունք:

Մեր ատամնաբուժարանում աշխատանքներն իրականացվում են որակյալ նյութերով և արդիական սարքավորումներով

 

Եթե ատամների ինչ-ինչ հիվանդություններ մարդուն զրկել են անթերի ժպիտ ունենալու հնարավորությունից, այստեղ օգնության է հասնում էսթետիկ ստոմատոլոգիան:Ժամանակակից ստոմատոլոգիան, բուժման հիմնական մեթոդների հետ մեկտեղ, յուրացրել և լայնորեն կիրառում է միկրոպրոթեզավորման մեթոդները, որոնց թվին են պատկանում վինիրների տեղադրումը, որոնք ատամնաշարին հիանալի տեսք են հաղորդում, միևնույն ժամանակ հիանալի ֆունկցիոնալ բնութագրում ունեն

 

Ատամի հեռացումը պետք է կատարել ծայրահեղ անհրաժեշտության դեպքում, երբ ատամը պահպանելու մյուս մեթոդներն անօգուտ են կամ էլ, երբ ատամը կարող է մեկ այլ, առավել լուրջ հիվանդության պատճառ լինել: Մեկ ատամի հեռացումը լուրջ խնդիր է, որն իր հետ ժամանակի ընթացքում այլ լուրջ խնդիրներ է բերում և բարդություններից խուսափելու համար պետք է հեռացված ատամը փոխարինել արհեստական ատամով

 

Ատամնաքարը հիմնականում առաջանում է, երբ մարդիկ չեն հետևում բերանի խոռոչի հիգիենային, եթե ատամները չեն մաքրում օրական 1-2 անգամ կամ դա արվում է ընդհատումներով, ատամների մաքրման տեխնիկան ճիշտ չի պահպանվում, մաքրում են միակողմանի, երբ մարդիկ հրաժարվում են կոշտ սննդից և մշտական փափուկ սնունդ են օգտագործում, ատամները ոչ լիարժեք են օգտագործվում (ծամում են միակողմանի), ձեռքի տակ ունենում են անորակ ատամնախոզանակ կամ մածուկ: Այս ամենը բերում է ատամնաքարերի առաջացման, որոնք կործանարար հետևանք են ունենում մեր պարադոնտի (շուրջատամնային հյուսվածքի) վրա

 

Գոյություն ունեն ատամների պրոթեզավորման տարբեր դասակարգումներ: Ըստ պրոթեզի ծավալի և խորության, տարբերակում են՝

• միկրոպրոթեզավորում

• բուն պրոթեզավորում

• իմպլանտացիա

Միկրոպրոթեզավորումը ատամի վրա արհեստական պսակ դնելն ու դրանով պատենավորելն է: Բուն պրոթեզավորումը կորցրած մեկ կամ մի քանի ատամների փոխարեն արհեստական նյութից պատրաստած ատամներ տեղադրելն է: Իմպլանտացիայի էությունը ծնոտի լնդոսկրային համակարգի մեջ արհեստական ատամներ ներդնելն է

 

Այսօրվա վիճակով ատամների իմպլանտացիան իրենից ներկայացնում է ստոմատոլոգիայի առավել ակտիվ զարգացող և հեռանկարային ճյուղը։ Այն զարգանում է այնպիսի շեշտակի տեմպերով, որ նոր մշակումներ և տվյալներ են ի հայտ գալիս գրեթե ամեն ամիս։ Իմպլանտացիայի և հետագա պրոթեզավորման հաջողության 99 տոկոսը կախված է ստոմատոլոգ-իմպլանտոլոգի և ստոմատոլոգ-օրթոպեդի ներդաշնակ և բարձր մասնագիտական մակարդակով կատարված աշխատանքից

 

Ատամները պահանջում են ամենօրյա հետևողական խնամք: Նախ, անհրաժեշտ է դրանք մաքրել համապատասխան խոզանակով և մածուկով ինչպես առավոտյան` լվացվելիս, այնպես ուշ երեկոյան` քնելուց առաջ: Ըստ որում, մածուկով խոզանակը պետք է հորիզոնական և ուղղահայաց շարժումներով շփել ատամնաշարերի ինչպես առաջային ու հետին, այնպես էլ միմյանց շփվող մակերեսներին:Օրվա ընթացքում, յուրաքանչյուր անգամ սնվելուց հետո, նույնպես չպետք է մոռանալ բերանը ողողել սովորական կամ հանքային ջրով, կամ որոշ բույսերի (թեյի, վարդի, ուրցի, երիցուկի) թուրմերով: Օգտակար է նաև շաքար չպարունակող ծամոնը

 

ԱՌՈՂՋ ԺՊՏԱՆՔ ՄԻԱՍԻՆ...

Մեզ համար հաջողությունը Ձեր գեղեցիկ ժպիտն է, չէ որ այն համարվում է Ձեր այցեքարտը: Ստոմատոլոգը կարող է փոխել Ձեր իմիջը, իսկ դրա հետ կփոխվի նաև Ձեզ շրջապատող մարդկանց վերաբերմունքը Ձեր իսկ հանդեպ, և Դուք կտեսնեք, որ կյանքը դառնում է առավել լավ և հիասքանչ

Կատեգորիա - ՍՏՈՄԱՏՈԼՈԳԻԱԿԱՆ ԿԵՆՏՐՈՆՆԵՐ
Էջը դիտումների քանակը՝ 5835